Narayan Kavach English Translation – Complete Meaning & Roman Transliteration
Bhagwan Shrihari Garud ji ke peeth par apne charan kamal rakhe hue hain.
Ve shankh, chakra, dhaal, talwar, gada, baan, dhanush aur paash — ye aath aayudh dhaaran kiye hue hain.
Unke paas Anima, Mahima, Garima, Laghima, Prapti, Praakamya, Eeshitva aur Vashitva — ye aath siddhiyan hain tatha unki aath bhujayein hain.
Ve Bhagwan Shrihari meri sab prakaar se raksha karein.
Matsya roop mein Bhagwan jal mein jalchar roopi bandhanon se meri raksha karein.
Maya ke aashray se brahmachaari roop dhaaran karne wale Vaman Bhagwan sthal par
aur Vishwaroop Trivikrama Bhagwan akaash mein meri raksha karein.
Durg, van tatha yuddha-sthalon mein Narasimha Bhagwan meri raksha karein,
jinhone daityon ko naash kiya.
Unka atthahaas dishaon ko gunja deta hai aur daitya striyon ke garbh gir jaate the.
Ve Narasimha sabhi prakaar se meri raksha karein.
Prithvi ko daanton par utha lene wale Yagyamurti Varaha Bhagwan maarg mein meri raksha karein.
Isi prakar Parshuram parvaton par
aur Shri Ram ji Lakshman ke saath pravaas ke samay meri raksha karein.
Bhagwan Narayan maran–mohan jaise updravon aur pramaadon se raksha karein.
Rishi-shreshth Nar ahankaar se raksha karein.
Yogeshwar Dattatreya yog-vighnon se
aur Kapil Bhagwan karm-bandhan se raksha karein.
Sanat Kumar Kamdev se raksha karein.
Hayagreev devtaon ki avhelna se,
Devarshi Narad pooja sambandhi aparaadhon se
aur Bhagwan Kacchap narakon se raksha karein.
Dhanvantari kupathya se,
Jitendra Rishabhdev sukh-dukh jaise dvandvon se,
Yagya Bhagwan lok ninda se,
Balram manushya-janit kashthon se
aur Shri Shesh krodh-rupi sarpon se raksha karein.
Vyas ji agyaan se
Buddha Bhagwan paakhandiyon ke bhram se raksha karein
aur Kalki Bhagwan Kaliyug ke doshon se raksha karein.
🌞 Din ke chh prahar
Din ke chhah bhaagon mein —
Pehle prahar mein Keshav gada lekar,
Doosre prahar mein Govind bansuri lekar,
Teesre prahar mein Narayan shakti lekar,
Chauthe prahar mein Vishnu chakra lekar,
Paanchve prahar mein Madhusudan dhanush lekar,
Chhathe prahar mein Madhav meri raksha karein.
🌙 Raat ke chh prahar
Raat ke —
Pehle prahar mein Hrishikesh,
Doosre aur madhya-raatri mein Padmanabha,
Chauthe prahar mein Ish,
Paanchve mein Janardan talwar lekar,
Chhathe mein udaay kaal ke samay Damodar
aur sabhi sandhyaon mein Vishweshwar meri raksha karein.
⚔ Bhagwan ke Ayudh Stuti
He Sudarshan Chakra!
Aap pralay agni samaan teekshn hain.
Jis prakar aag hawa ke saath sookhi vanaspati ko jala deti hai,
waise hi aap mere shatron ko nash kar dijiye.
He Kaumudi Gada!
Aapse nikli chingariyon ka sparsh vajra samaan asahya hai.
Main Bhagwan ka sevak hoon —
aap Kushmand, Vinayak, Yaksh, Rakshas, bhoot–pret aadi ko kuchal dijiye.
He Shankh!
Bhagwan ke phoonkne se aapki dhvani shatruon ke hriday ko kampit kar de
aur dusht aatmaon ko bhaga de.
He Nandaka Khadg!
Apni teekshn dhaar se mere shatron ka vinash kariye.
He divya dhaal!
Apni chandrakar maniyon se dushton ki drishti ko nash kariye.
Surya, grah, ketu, dusht manushya, sarp, hinsak pashu, bhoot–pret aur paapi jeev
Bhagwan ke naam aur ayudhon ke smaran se hi nash ho jaate hain.
📜 Vedamurti Stuti
Brihad, Rathantar adi saamvedi stotra jin ki stuti karte hain —
ve Garud aur Vishwaksen ke naam uchcharan se vipatti ko door karte hain.
Bhagwan ke naam, roop, vaahan aur parshad
hamari buddhi, indriyon, mann aur praan ki raksha karein.
Srishti mein jo bhi sat aur asat hai, sab Bhagwan hi hain.
Is satya ke smaran se sab upadrav nash ho jaate hain.
Jo Brahm–Atma ki ekta ko dekh chuke hain,
unke drishtikon se Bhagwan swaroop-bhed rahit hain,
par maya ke kaaran ve vividha roop aur ayudh dhaaran karte hain.
Ve sarvajna, sarvavyapak Bhagwan har roop se raksha karein.
Jo apne atthahaas se sabke bhay ko door kar dete hain —
ve Narasimha dishayon, upar–neeche, bahar–andar sab taraf se raksha karein.
📣 Devraj Indra ko Upadesh
Indra!
Maine tumhe yeh Narayan Kavach suna diya.
Isse swayam ko surakshit kar lo —
phir daitya sainyon par vijay nishchit hai.
Jo is kavach ko sun leta hai
ya jisko yeh sparsh kar de —
vah bhaymukt ho jaata hai.
🌟 Narayan Kavach ki Mahima
Jo is Vaishnavi vidya ko dhaaran karta hai
use raja, chor, bhoot–pret, sher aur hinsak praniyon se bhay nahi hota.
Agar yeh kavach dhaaran kiye hue vyakti ki kahin bhi mrityu ho jaye,
to bhi uski sadgati hoti hai —
mrityu ke liye kisi vishesh sthal ki aavashyakta nahi.
Shukdev ji kehte hain —
Jo purush samay par is Narayan Kavach ko shraddha se sunta aur dharan karta hai
uske saamne sab prani jhuk jaate hain
aur vah sabhi bhayon se mukt ho jaata hai.
Indra ne Vishwaroopacharya se yeh vidya praapt karke
yuddh mein asuron par vijay paayi
aur trailokya laxmi ka bhog kiya.
।। Iti Shree Narayan Kavach Sampurnam ।।
1️⃣ Paragraph 1
Lord Shri Hari, resting His divine lotus feet on Garuda, holds eight weapons — the conch, discus, shield, sword, mace, arrow, bow, and noose.
He possesses the eight divine powers — Anima, Mahima, Garima, Laghima, Prapti, Prakamya, Ishitva, and Vashitva, and has eight mighty arms.
May Lord Shri Hari protect me from every direction and in every way.
2️⃣ Paragraph 2
May the Lord in His Fish (Matsya) incarnation protect me from dangers in the waters.
May Lord Vamana, who appeared as a celibate Brahmachari, protect me on land.
And may Lord Trivikrama, who spanned the universe in three strides, safeguard me in the skies.
3️⃣ Paragraph 3
May Lord Parasurama, the warrior Brahmin, guard me from weapons and attacks.
May Lord Rama, the righteous king, give me protection while I move on the path of duty.
May Lord Nrisimha, the fierce protector, shield me from hidden enemies and fear.
4️⃣ Paragraph 4
May Lord Varaha protect me from difficulties arising from the earth,
and may Lord Kurma protect me from troubles linked to great burdens and responsibilities.
May Lord Krishna preserve me from worldly illusions, attachments, and confusions.
5️⃣ Paragraph 5
May Lord Buddha protect me from ignorance and wrong understanding,
and may Lord Kalki safeguard me from darkness and evil in the world.
Thus, may all incarnations of Lord Vishnu protect me at all times and in all situations.
6️⃣ Paragraph 6
May the Lord protect my mind from fear,
my voice from speaking what is untrue,
my heart from evil thoughts,
my body from harm,
and my journey from obstacles.
May every part of me remain protected by His divine grace.